CORPS NEWS

FAKTUAL DAN BERIMBANG

SELAMAT DATANG
DI MEDIA CORPS NEWS
FAKTUAL DAN BERIMBANG

Pepatah Minang. ” Pasan Kampung “

PASAN KAMPUANG

Siriah babaliak lah kagagang.
Pinang suruik lah katampuak.
Bia nak sanang dalam carano.
Cubo danga anak dagang.
Kok lai sampai cito isuak.
Pulang dan bangun lah ranah bundo.

Dangakan pasan gunuang marapi.
Cubo caliak rindunyo puncak singgalang.
Gunuang sago maiyokan.
Usah turuik kan gadang ati.
Amuah larek dirantau urang.
Kampuang halaman balupokan.

Taisak ngarai sianok.
Dek jam gadang talarai tido.
Tapacak tangih janjang ampek puluah#
Tak ko tibo rasian kutiko lalok.
Lah rami ranah bundo.
Manga kanduang makin manjauah?.

Dek kanduang pandangi lah danau maninjau.
Singkarak mamalun pasan.
Danau diateh maratok panjang.
Samantang lah sanang kanduang dirantau.
Indak takana lai kampuang halaman.
Baharamkan baa ranah minang?

Tak kok ibo jo pantai kata.
Gondoriah manangih taruih.
Pantai padang atinyo ibo
Luangkan lah ukatu agak sabanta.
Sawah ladang tabia ndak tauruih.
Janjang karumah lah rabah pulo.

Dulu lai samo mancinto indaruang.
Pabirik simin kabanggaan.
Janji babuek di ladang padi
Tak banyak nan kami pinto ka kanduang.
Silaulah kawan sapamainan.
Itu jadi sitawa bakeh kami.

Bareh solok lai lamak juo.
Lansek sijunjuang mandukuang buah.
Galamai pikumbuah lai mandayo.
Kakanduang tatuntuang pinto.
Dangakan saru pipik disawah.
Kami taragak batamu muko.

Loading...

Pical sikai saba mananti.
Daruak darak karupuak sanjai.
Gatok lah baa abuih pensi
Sagitu pasan dari kami.
Jo sosmed kok lai sampai.
Untuang rayo bisuak pinto bapanuhi.

Salam taragak dari ranah bundo❤?i?

( Ir Mustava )

 

Loading...

Terbitkan Pada: 11 Februari 2020 by Corps News

BAGIKAN :
Share
Loading...
Loading...
Loading...
SELAMAT DATANG
DI MEDIA CORPS NEWS
FAKTUAL DAN BERIMBANG
Open chat
1
Selamat Datang Di Media Online Kami
Untuk Informasi CorpsNew Silahkan Chat